मर्स्याङ्दी गाउँपालिकाका अध्यक्ष अर्जुन गुरुङले आफ्नो जन्मदिनको अवसरमा वृक्षारोपण गरेर मनाउनुभएको छ। अध्यक्ष गुरुङले साउन १५ गतेका दिन आफ्नो जन्मदिन अवसरमा  गाउँपालिकाको परिसरमा एभोकाडो तथा गुलमोहरका बिरुवा रोप्दै वातावरण संरक्षण र हरियाली प्रवर्द्धनको सन्देश दिनुभएको छ ।

अध्यक्ष गुरुङले वृक्षारोपणमार्फत दिगो विकास तथा वातावरणीय संरक्षणप्रतिको आफ्नो प्रतिबद्धता व्यक्त गर्नुभएको छ ।  यस प्रकारको कार्यलाई स्थानीयवासीले सकारात्मक र प्रेरणादायी कदमका रूपमा लिएका छन् ।

यो अवसरमा मर्स्याङ्दी गाउँपालिकाले अध्यक्ष गुरुङको उत्तरोत्तर स्वास्थ्य, सुख, समृद्धि, दीर्घायु तथा सफल नेतृत्वको कामना गर्दै जन्मदिनको हार्दिक शुभकामना व्यक्त गरेको छ ।

साथै वृक्षारोपणका लागि बिरुवा उपलब्ध गराएकोमा डिभिजन वन कार्यालय लमजुङलाई गाउँपालिकाले धन्यवाद ज्ञापन दिएको छ ।