लमजुङ हिमाल सुचना तथा सञ्चार सहकारी संस्थाद्धारा सञ्चालित रेडियो चौतारी ९१.४ मेगाहर्जका शेयरधनी चर्चित लोक दोहोरी गायिका विष्णुमायाँ गुरुङ तमु (गुरुङ) कलाकार संघ नेपालको महिला उपाध्यक्ष पदमा निर्वाचित हुनुभएको छ ।

शनिबार काठमाडौमा सम्पन्न संघको पाँचौ महाधिवेशनबाट गुरुङ महिला उपाध्यक्षमा पुन ः सर्वसम्मत निर्वाचित हुनुभएको हो । लमजुङको दोर्दी गाउँपालिका ८ बन्सार स्थाई घर भई हाल काठमाडौलाई कर्मथलो बनाएर साँगीतिक यात्रामा अगाडि बढिरहनुभएकी गुरुङ दोस्रो कार्याकालका लागि महिला उपाध्यक्षमा निर्वाचित हुनुभएको हो ।

काठमाडौमा बसेर संगीतमाला रोधीघर सञ्चालन गर्दै आउनुभएकी गुरुङ हकी स्वभावकी हुनुहुन्छ । संस्थामा बसीसकेपछि आफ्नो पदिय जिम्मेवारी मिहिन ढंगले पूरा गर्नुपर्छ भन्ने सोच राखेर तमु कलाकार संघमा आवद्ध हुँदै आउनुभएको छ । संस्थाभित्र कुनैपनि खालको राजनिति हुनुहुँदैन, कलाकारहरुको संस्थामा गुट–उपगुट हुनुहुँदैन, सवैलाई एकताको शुत्रमा बाँधेर अगाडी बढाउनुपर्छ भन्ने सोँच राखेर उहाँ संस्थामा आवद्ध हुनुभएको हो ।  

अग्रजलाई सम्मान गर्दै नवप्रतिभालाई प्रोत्साहन गर्ने कार्यमा आँफु कटिवद्ध भएर अगाडी बढ्ने गुरुङले बताउनुभयो । उहाँले आफ्नो सांगितिक क्षेत्रलाई फराकीलो बनाउँदै करिव ३ दर्जन कलाकारहरुलाई रोजगारी समेत प्रदान गर्दै आउनुभएको छ । रात्रिकालिन व्यवसाय आफैमा चुनौतीको व्यवसाय हो । त्यसलाई सामना गर्दै गितसंगितको संरक्षण र संवर्दनको साथमा आफुजस्ता थुप्रै कलाकारहरुलाई रोजगारी दिन पाउँदा आफुलाई खुसी लागेको उहाँले बताउनुभयो । देशमा केही भएन भनेर लाखौँ युवाहरु परदेश पलायन भइरहेको अवस्थामा गुरुङले नेपालमै झण्डै ३०÷३५ जनालाई रोजागरी प्रदान गरिरहनुभएको छ ।

दोर्दी गाउँपालिका ८ बन्सारको बनपाखामा घाँस दाउरा, मेलापात सँगै आफ्नो सांगीतिक यात्रालाई अगाडी बढाउनुभएकी गुरुङले काठमान्डौ प्रवेश गरेको १७÷१८ वर्षको अन्तरालमा सफल गायिका मात्रै नभएर एक सफल व्यवसायीको रुपमा समेत आफुलाई  स्थापित गराउनुभएको छ । लमजुङमा हुने कार्यक्रमहरु, गाउँघरमा, विद्यालयमा हुने कार्यक्रमहरुमा सहभागी भएर आफ्नो गाउने रहन पूरा गर्दै आउनुभएकी गुरुङ २०६४ सालमा काठमाडौ प्रवेश गर्नुभएको हो । उहाँले गाउनुभएको सल्ला धुपैले लगायतका केही गितहरु करोडौँ क्लवमा प्रवेश गरेका छन् । सयौँ गीतमा आवाज भर्नुभएकी गायिका विष्णुमायाँ गुरुङले हङकङ, बेलायत लगायतका दर्जनौ देशहरुमा पूगेर आफ्नो प्रतिभा प्रस्तुत गरिसक्नुभएको छ ।

तमु कलाकार संघ नेपालको पाँचौ महाधिवेशनले गोर्खाका सागर गुरुङको अध्यक्षतामा २६ सदस्यीय नयाँ कार्यसमिति चयन गरेको छ । महाधिवेशनले सवै पदमा सर्वसम्मत नेतृत्व चयन गरेको छ । महिला उपाध्यक्षमा पुनः निर्वाचित गुरुङलाई महाधिवेशनमा देउवहादुर र कमला गुरुङ अक्षय कोषबाट सम्मान गरिएको छ । गुरुङ परम्परा र संस्कृति सम्वर्दनका लागि पुराउनुभएको योगदानकोे उच्च मुल्याकंन गर्दै निवर्तमान अध्यक्ष शर्मिला गुरुङको समितिले विष्णुमायाँ सहित अन्य ४ जना कलाकाहरुलाई नगद १० हजार रुपैयाँ पुरस्कार राशी सहित सम्मान गरेको थियो ।